Ensekirite : Défenseurs Plus fè bilan viktim yo

Ensekirite a kontinye ap vale teren nan peyi a. Pou ede n konprann reyalite popilasyon an ki pa sispann pase move moman anba men bandi ak zam yo ki kontwole plis pase 90% nan kapital peyi a, Défenseurs Plus fè bilan viktim yo soti nan mwa janvye rive jounen jodia.

Crédit Photo: VBI
Ensekirite : Défenseurs Plus fè bilan viktim yo

Pou ane 2024 ki sot pase a, plis pase 5 600 moun te pèdi lavi yo anba men bandi k ap simen latwoublay an Ayiti. Ane 2025 la pòkò fini se vre, men parapò a ogmantasyon kantite moun ki oblije kite katye kote yo t ap viv la akoz vyolans bandi yo, li vin parèt evidan kantite moun ki mouri, viktim kidnappin oubyen yo vyole yo p ap pi piti. Défenseurs Plus, yon kolèktif k ap defann dwa moun nan peyi a depi ane 2013, nan yon bat bouch ak redaksyon te bay kantite viktim divès move zak yo konte depi ane sa kòmanse.

Mèt Antonal Mortimé te byen kontan mete l disponib epi konfye redaksyon an kantite viktim yo konte. Gras a denonsiyasyon moun bay kolèktif la, analiz chif lapolis, lopital epi monitorin medyatik, depi premye janvye pou konnya, Défenseurs Plus rive konte plis pase 4 500 moun ki mouri pa bal, plis pase 2 000 ka vyòl, plis pase 3 567 ka vyòl ak plis pase 500 ka lenchaj. Chif sa yo montre aklè sitiyasyon ensekirite a pa chanje sitou li lakoz plis pase 2 milyon moun deplase kite kay yo nan depatman Lwès, Latibonit ak Plato Santral.

Dapre Naszyon Zini ensekirite a lakoz plis pase 5,7 milyon moun nan ensekirite alimantè. Pami yo, gen 8 500 ki nan faz 5 ki vle di riske nan famin. Gen plis pase 2 300 grav vyolasyon kont timoun ki anrejistre. Yon seri chif ki montre kòman kantite viktim ensekirite yo pa piti. Moun ap kontinye viktim pandan fòs Nasyon Zini kreye pou vin ede konbat bandi yo poko ka jwenn resous pou l ka efektif. Ta sanble solidarite nan mitan pèp yo fin disparèt.  

Stevens JEAN FRANÇOIS

Aucun commentaire

Contributions

Aucun commentaire !

Soyez le premier à commenter cet article.

Même rubrique

Les articles de la même rubrique


Abonnez-vous à notre infolettre

Saisissez votre adresse e-mail pour recevoir une notification par e-mail de chaque nouvel article.

Rejoignez les 3 060 autres abonnés!

Appuyer sur la touche "Entrée" pour effectuer une recherche.

Articles populaires

Paramètre du site

Thème