Otorite yo deside mete TPI Kwadèboukè a Taba

CSPJ (Conseil du pouvoir judiciaire/Konsèy siperyè pouvwa jidisyè) a bay otorizasyon l pou yo voye TPI Kwadèboukè a nan yon lòt lokal. Sekretarya enstitisyon sa ki administre, kontwole, mete disiplin epi delibere nan pouvwa jidisyè a enfòme tout moun aktivite ki te konn fèt nan TPI Kwadèboukè a ap fèt konnya nan lokal bibliyotèk minisipal Taba a.

''Dezomè epi jiska yon lòt lòd, avoka, jij, pèsonèl jidisyè, jistisyab yo ansanm ak piblik la an jeneral dwe konnen tout aktivite jidisyè TPI Kwadèboukè a ap fèt nan yon espas ki marande ak sa nan bibliyotèk minisipal Taba" se sa, Mèt Jean Robert CONSTANT, sekretè teknik CSPJ presize.

Desizyon sa se repons a lèt yo te ekri CSPJ a nan dat 5 jiyè 2022. Dispozisyon pou yon ti tan sa pran nan lide pou pwoteje lavi ak byen tout moun ki te konn frekante espas sa nan Kwadèboukè. Bandi 400 Marozo te atake epi boule Pakè Kwadèboukè a apre lapolis te fin al mennen operasyon nan baz yo. Depi avan zak sa, akoz ensekirite pa te konn vrèman gen aktivite nan espas la. Konnya, chèf jiridiskyon sa, Mèt Grecia NORCEUS ka reyalize tout aktivite jidisyè yo. 

TPI yo jwe yon gwo wòl nan sistèm jidisyè ayisyen. Se la yo tranche litij ki gen pou wè ak zafè sivil, komèsyal, maritim ak kriminèl. Pafwa TPI a chita tou sou santans yon jij de pè te pwononse. Chak TPI travay nan tèt kole ak yon Pakè ki tabli tou pre l. Nou genyen 18 TPI nan peyi a, yonn pou chak jiridiskyon jidisyè.

Annie FRANÇOIS

A lire aussi

• Scandale CPT-BNC : le Parquet a officialisé la saisine du doyen du TPI de Port-au-Prince
• Renforcement de la justice : un grand pas a été franchi
• Ane jidisyè a fini : jistis la toujou malad grav
• Vivons dans la peur, dansons dans la merde et pour le reste on s’en fout

Thèmes associés

• Kwadèboukè
• TPI
• Delokalozasyon
• CSPJ