POHDH denonse desizyon MSPP pou privatize vaksen kont kovid-19 la

Nan nòt pou laprès sila a , Platfòm òganizasyon Ayisyen k ap defann dwa moun yo –POHDH –  denonse desizyon Ministè Sante Piblik ak Popilasyon- MSPP- pran nan dat 23 jen 2021an ki otorize tout antrepriz prive ki nan domèn Lasante pou bay vaksen kont Kovid-19 nan peyi a.  Pou POHDH, desizyon sa a se  yon desizyon iresponsab e menm kriminèl .  Pi lwen  nòt la  fè konnen  se yon dsizyon ki montre yon lòt fwa ankò gouvènman defakto a pa bay okenn enpòtans ak lavi moun. 

Nan nòt sila a , POHDH  raple otorite yo aksè ak swen sante se yon dwa fondamantal pou tout Ayisyen dapre atik 19 Konstitisyon 29 mas 1987 la ak atik 12 Pak Entènasyonal sou Dwa Sosyal, Ekonomik ak Kiltirèl yo (PIDESK), Leta Ayisyen ratifye nan dat 31 janvye 2012. « Se  yon obligasyon pou Leta Ayisyen pran anchaj vaksinasyon kont kovid-19 la nan objektif pou pwoteje sante chak grenn moun, garanti byennèt mental, fizik ak sosyal popilasyon an espesyalman majorite a ki nan povrete », ezije POHDH .

POHDH pwofite pou mande Ministè Sante Piblik ak Popilasyon –MSPP- retounen sou desizyon li pran  pou  lage sante popilasyon nan men yon ti gwoup moun nan sektè prive a pou koupe rache epi frajilize pi plis sante popilasyon parapò ak kovid-19 la.  

N ap souliye genyen divès lò estrikti tankou Asosyasyon Famasyen ak famasyèn Ayiti ki ekzòte Leta ayisyen pou l pran bon desizyon pou popilasyon an gen aksè ak vaksen bon kalite . Ak Òganizasyon Sitwayen ak Sitwayèn pou yon Nouvèl Ayiti (OCNH) ki ankouraje Leta Ayisyen envesti nan ranfòsman sistèm sante a pou kapab garanti transpò, estokaj , administrasyon ak suivi sou pwodui sante kif en rapò ak kovid-19 .  

                                                                                  Frandy JASMIN 

A lire aussi

• Le coronavirus relégué au second plan!
• Haïti-Fêtes champêtres: Gare à la covid19!
• Covid-19 /Cayes : Des policiers outillés sur les droits des détenus -es et les gestes barrières

Thèmes associés

• POHDH
• Vaccin
• COVID19