Toutouni nan Depatman Nò: pòt lach la louvri!

Mouvman Nasyonal pou Transparans – Toutouni pa pèdi tan. Apre Depatman Latibonit, estrikti politik ki prezante tèt li kòm yon «Mouvman Sitwayen klè, gide pa valè inivèsèl tankou Libète, Egalite ak Jistis Sosyal» la, vin ofisyèlman enstale tou nan Depatman Nò. Plizyè santèn sitwayen ki soti nan kat kwen depatman an te fè deplasman pou patisipe nan evènman sa a ki te dewoule nan yon bèl anbyans nan site Kristofyèn nan.

Rodney Saintilus, kad mouvman an, te louvri seremoni ofisyèl la ak pawòl byenvini ansanm ak prezantasyon Mouvman Nasyonal pou Transparans, vizyon li ak anbisyon li yo. Nan entèvansyon li a, jèn lidè a te mete aksan sou ijans pou fè transparans, jistis sosyal, bon gouvènans, ansanm ak angajman sitwayen tounen « poto mitan renouvèlman politik ann Ayiti ».

Nan diskou li nan kad lansman an, Pascal Adrien, manm fondatè mouvman an, anpli konnen pou angajman li depi byen bonè sou teren batay politik la ak nan mouvman revandikatif etidyan yo, te esplike li sakrifye yon bon pati nan jenès li pou li te kapab konprann an pwofondè fason sistèm nan fonksyone, ansanm ak Leta ak enstitisyon li yo. Nan yon diskou ki te chaje ak senserite, an kreyòl, Pascal Adrien te souliye li gen yon sèl objèktif: poze baz chanjman reyèl e dirab pou benefis jenerasyon jodi a ak jenerasyon k ap vini yo. Entèvansyon li a te sonnen tankou yon apèl pou angajman konsyan, pou depase tèt nou, epi pou kase ak pratik politik tan pase yo.

Diskou Pascal la te rive sou asistans la ki nan ti moman reyaksyon yo te genyen nan seremoni an pa t kache yo retwouve yo nan vizyon pati a ki dapre yo se yon altènativ kredib ki ka pèmèt lespwa reboujonnen nan peyi a. Pandan pati a lanse yon kanpay pou rekòlte lajan pou rive fini ak amenajman local yo nan depatman an, chak jou ki pase se plis moun k ap rejwenn pati a ki tounen yon atraksyon nan depatman an.

Yon jou pa pase san Mouvman Nasyonal pou Transparans pa nan diskisyon sou rezo yo. «Anpil pyon ap deplase, anpil jèn ap jwenn travay gras a lidèchip Pascal. Se sa ki atire moun k ap vin entegre mouvman an paske kontrèman a lòt pati yo, Toutouni ap goumen pou retire militant yo, jèn yo nan vilnerabilite » te deklare yon kad nan pati a.

Èske mouvman an ap rive atenn objèktif li nan depatman? Nou pa konnen, men nou ka di jiskaprezan estraji komikasyon l ap sedwi anpil moun. Ann tann ki rezilta estidyo pou pwodwi kontni pou ede sitwayen yo jwe wòl yo kòm aktè sosyal la ap pote. 

Stevens JEAN FRANÇOIS

A lire aussi

• Toutouni fait le buzz !
• Détournement de denrées alimentaires dans le Nord, le PNCS ouvre une enquête
• Le SDP a signé l’accord pour débloquer la situation selon les responsables de la coordination Nord

Thèmes associés

• Nord
• Pascal Adrien
• Toutouni