Manb konsèy sekirite nasyon zini yo poko ka atann yo sou manda BINUH an

Sou demand Lachin, manm konsèy sekirite nasyon zini yo te chita ansanm mèkredi pase a pou yo te ka deside ki avni BINUH. Diskisyon ki te fèt an prive ap kontinye jodi a paske yo poko ka antann yo sou ki desizyon yo dwe pran.

Nan reyinyon Lachin te mande ki te fèt mèkredi 13 jiyè 2022 a, manm konsèy sekirite nasyon zini yo pa te rive mete yo dakò sou yon desizyon. Te gen anpil echanj e yonn pa te vle sede pou lòt. Yon van divizyon ap soufle ant moun ki swete yo renouvle manda misyon an epi lòt ki ta prefere se yon lòt misyon pou tabli lapè ki vin an Ayiti. Boutofen yo te mete yo dakò pou yo pran randevou pou yon lòt rankont k’ap fèt jodia.

Dapre sa kèk sous AFP di li, Lachin li menm mande lòt manb yo pou yo pran desizyon sa yo : mete Ayiti anba anbago sou tout zam yon sèl moun ka pote epi itilize, aplike sanksyon kont chèf gang yo epi soutni lide pou peyi oubyen òganizasyon ki nan zòn nan ta monte yon fòs polis pou vin ede nou goumen ak pwoblèm ensekirite a. 

Manm konsèy sekirite nasyon zini yo te pale tou sou volim ensekirite a ki ogmante akoz gwoup moun ak zam ki nan tout ti kwen nan kapital la. Site Solèy pa egzanp, RNDDH di li anrejistre anviwon 89 moun ki mouri pandan gwo goumen ant G9 ak Gpep.

Pami misyon BINUH te genyen nou ka site : akonpanye lajistis peyi dayiti epi patitisipe nan demach pou kenbe peyi a nan estabilite. 3 lane apre lajistis malad grav, ensekirite ap taye banda. 

N’ap raple, anpil òganizasyon estime BINUH pa itil peyi a anyen. Yo mande pou konsèy la pa renouvle manda li.

 Paul MARTIAL

A lire aussi

• Bon konba!
• Chanm Komès Ayisyano Afriken pran nesans !
• Etazini mande plis angajman pou soutni Fòs Represyon Gang yo
• Sanksyon nan Legliz Batis : yon zouti restorasyon oubyen yon mwayen pou avili moun ?
• Papa Deslin vin pran yo!
• Lapli vini m a ba w bonbon!
• Se aksyon Konsèy Prezidansyèl la k ap montre si l vle fè ripti vre, pozisyon yon goup sitwayen nan Okap

Thèmes associés

• BINUH
• Ayiti
• Nasyon Zini