Chanm Komès Ayisyano Afriken pran nesans !

Dapre sa li te fè konnen nan emisyon Dekante ki te fèt 25 novanm 2025 la sou Radyo Tele Ginen, Nathalie Wakam Cyprien, avoka nan Bawo Pòtoprens, jwenn lide a epi kòmanse travay sou li depi 5 jen 2025. Mwens pase 3 mwa apre, 12 dawout 2025, chanm nan vin jwenn otorizasyon legal pou l ka fonksyone. Jodi 28 novanm la, chanm nan lanse.

Chanm nan ap pèmèt gen relasyon ekonomik ki tabli ant Ayiti ak 55 Eta Afriken. Akò patenarya, fwa komèsyal ak rezotaj envestisè se kèk bagay ki pral fèt gras a chanm komès tou nèf sa ki se yon espas k ap pèmèt ranfòsman kapasite gras a amelyorasyon konpetans lokal yo atravè fòmasyon, tranfè konpetans elatriye.

Chanm Komès Ayisyano Afriken konte enplike tou dyaspora ayisyen ak dyaspora afriken an.

Annie FRANÇOIS

A lire aussi

• Bon konba!
• Etazini mande plis angajman pou soutni Fòs Represyon Gang yo
• Sanksyon nan Legliz Batis : yon zouti restorasyon oubyen yon mwayen pou avili moun ?
• Papa Deslin vin pran yo!
• Lapli vini m a ba w bonbon!
• Se aksyon Konsèy Prezidansyèl la k ap montre si l vle fè ripti vre, pozisyon yon goup sitwayen nan Okap
• Yo koken, yo mètdam

Thèmes associés

• Nathalie Wakam Cyprien
• Ayiti
• Afrik
• Chanm Komes