Ariel chanpyon!

Tèt Ariel pa fin dwat, li fè alzaymè. Maladi granmoun ap fini ak li... Koze ki t ap di nan Larepiblik sou Mouche Ariel lè l fenk Premye Minis yo pa te bèl ditou. Li pa te rive nan pwen pou yo di l mete daypè menm jan ak Minis sante piblik peyi a, men dapre sa ki t ap di mouche a pa t twò lwen. Pawòl sa yo te fè anpil antreprenè politik plezi e yo te kouri al sipòte "granmoun entatad" la. Yo te twò saf, yo t ap bave twòp sou jan yo pral byen pase sou do Larepiblik. Yo pa t ka wè kou a!

Li evidan jodia, se te yon estrateji mouche Ariel te chwazi. E li te mache! Li woule nèg yo nan farin! André Michel te wè yon lòt Mécène. Li panse l ta pral ka kanpe tankou mayèstwo koral nan do Ariel! 3-4! Ariel ap regle biznis li, l ap ekzekite ajennda l ak ekip li. E pandan l ap fè sa, se pa sèl peyi a l ap detwi non! Li detwi anpil moun ak enstitisyon! Tout sektè pran kou! Se pa sèlman ensekirite, lavi chè, ratman gaz ak manje ki frape yo.

Pandan Wa Ariel (jan yo rele l konnya) sou pouvwa, nou wè kantite madigra mal maske ki gen nan peyi a. Nou wè pa t janm gen koze konviksyon pou anpil moun. Nou wè kòman enterè ka fè moun ranpe!!! Non, se pa tout moun k ap defann Wa a ki fè sa pou jwenn ti lamamay! Prizon pa dous tou non! Pa anmègde yo? 

Pandan Wa Ariel sou pouvwa li montre n kòman gen brasè ak brasèz tout kote. Yo gen tout plim, tout plimay. Yo nan tout sektè ak enstitisyon. Sa k ta di yo ta dekouvri otorite nan Legliz nan trafik zam? Ebyen nou viv sa! Menm jan nou wè anba anpil moun nan sektè prive a, anpil politisyen ki te nan danse kole ak bandi! Kiyès nan antouraj Wa a yo sanksyone deja? 

Sa ki pi enteresan nan jwèt mèt dam Wa Ariel ap jwe a se rive mouri zo l epi anpil aktè, souvan san yo pa rann yo kont, bay lòt moun pote chay malè peyi a. Se Ariel ki chèf konsèy nasyonal Polis Nasyonal la, se li ankò ki Minis enteryè poutan anpil moun ap lonje dwèt sou lapolis ak lame a ki ap tann lòd Wa Ariel pou aji. Bandi san fwa ni lwa ap vale teren, ou kwè dirijan politik tankou André Michel pa pran plis jouman pase Wa a? Djo Mòy menm viktim plis. Li pa pale se lajan li resevwa kan l pale se plis lajan li bezwen! Moun yo pa janti ditou ak ansyen Senatè a. Yo prefere bay li responsab lavi chè a paske l te fè mouvman ane pase kont lavichè (ki vin pi malouk) olye yo lonje dwèt sou Wa a ki pa pran okenn dispozisyon pou fasilite lavi moun! Sa m ta di sou Madanm Manigat ki te gen bon tan ap kanni nan rezèv Larepiblik ? Mouche a bay madanm nan tit san okenn pouvwa !

Ariel peyi a se pou ou! Woule woule w. Lidè mouvmans sosyal, lidè mouvans popilè a, lidè relijye yo pran kou! Militan ap goumen ak militan olye militan goumen pou militan parèy yo! Bagay la madjagwe! Lidè relijye yo menm sanble bliye kisa Ti Komite Legliz (TKL) te fè nan peyi a. Yo sanble bliye kisa Pastè Sylvio Claude ak Jeany Vladimir  te fè nan peyi sa! Jounen jodia se tankou lidè Legliz yo pè gade dirijan yo nan je! Pastè Marco prefere mennen fidèl yo al viktim anba men bandi Kanaran olye l mennen yo al poze mouche Ariel kesyon! 

Si n byen gade kominote entènasyonal la, lidè politik yo, klas ekonomik la elatriye ka fè plis bagay pou chanje yo isit pase ekip ki sou pouvwa a. Menm sa n pa wè yo (Bondye, Ginen yo, Lwa yo, Zanj yo, elatriye) pran plis kout bouch repwòch pase Wa a! Non, mouche a bon!!! Bravo Ariel. Kòm nan koulwa pouvwa a yo di w di se jou w wè ki konte, eritaj ou pa regade w nou konprann sa k fè w ap aji konsa! Ou chanpyon nan san wont ak san konsyans granmoun kannay!

Tèt Ariel pa fin dwat, li fè alzaymè. Maladi granmoun ap fini ak li... Koze ki t ap di nan Larepiblik sou Mouche Ariel lè l fenk Premye Minis yo pa te bèl ditou. Li pa te rive nan pwen pou yo di l mete daypè menm jan ak Minis sante piblik peyi a, men dapre sa ki t ap di mouche a pa t twò lwen. Pawòl sa yo te fè anpil antreprenè politik plezi e yo te kouri al sipòte "granmoun entatad" la. Yo te twò saf, yo t ap bave twòp sou jan yo pral byen pase sou do Larepiblik. Yo pa t ka wè kou a!

Li evidan jodia, se te yon estrateji mouche Ariel te chwazi. E li te mache! Li woule nèg yo nan farin! André Michel te wè yon lòt Mécène. Li panse l ta pral ka kanpe tankou mayèstwo koral nan do Ariel! 3-4! Ariel ap regle biznis li, l ap ekzekite ajennda l ak ekip li. E pandan l ap fè sa, se pa sèl peyi a l ap detwi non! Li detwi anpil moun ak enstitisyon! Tout sektè pran kou! Se pa sèlman ensekirite, lavi chè, ratman gaz ak manje ki frape yo.

Pandan Wa Ariel (jan yo rele l konnya) sou pouvwa, nou wè kantite madigra mal maske ki gen nan peyi a. Nou wè pa t janm gen koze konviksyon pou anpil moun. Nou wè kòman enterè ka fè moun ranpe!!! Non, se pa tout moun k ap defann Wa a ki fè sa pou jwenn ti lamamay! Prizon pa dous tou non! Pa anmègde yo? 

Pandan Wa Ariel sou pouvwa li montre n kòman gen brasè ak brasèz tout kote. Yo gen tout plim, tout plimay. Yo nan tout sektè ak enstitisyon. Sa k ta di yo ta dekouvri otorite nan Legliz nan trafik zam? Ebyen nou viv sa! Menm jan nou wè anba anpil moun nan sektè prive a, anpil politisyen ki te nan danse kole ak bandi! Kiyès nan antouraj Wa a yo sanksyone deja? 

Sa ki pi enteresan nan jwèt mèt dam Wa Ariel ap jwe a se rive mouri zo l epi anpil aktè, souvan san yo pa rann yo kont, bay lòt moun pote chay malè peyi a. Se Ariel ki chèf konsèy nasyonal Polis Nasyonal la, se li ankò ki Minis enteryè poutan anpil moun ap lonje dwèt sou lapolis ak lame a ki ap tann lòd Wa Ariel pou aji. Bandi san fwa ni lwa ap vale teren, ou kwè dirijan politik tankou André Michel pa pran plis jouman pase Wa a? Djo Mòy menm viktim plis. Li pa pale se lajan li resevwa kan l pale se plis lajan li bezwen! Moun yo pa janti ditou ak ansyen Senatè a. Yo prefere bay li responsab lavi chè a paske l te fè mouvman ane pase kont lavichè (ki vin pi malouk) olye yo lonje dwèt sou Wa a ki pa pran okenn dispozisyon pou fasilite lavi moun! Sa m ta di sou Madanm Manigat ki te gen bon tan ap kanni nan rezèv Larepiblik ? Mouche a bay madanm nan tit san okenn pouvwa !

Ariel peyi a se pou ou! Woule woule w. Lidè mouvmans sosyal, lidè mouvans popilè a, lidè relijye yo pran kou! Militan ap goumen ak militan olye militan goumen pou militan parèy yo! Bagay la madjagwe! Lidè relijye yo menm sanble bliye kisa Ti Komite Legliz (TKL) te fè nan peyi a. Yo sanble bliye kisa Pastè Sylvio Claude ak Jeany Vladimir  te fè nan peyi sa! Jounen jodia se tankou lidè Legliz yo pè gade dirijan yo nan je! Pastè Marco prefere mennen fidèl yo al viktim anba men bandi Kanaran olye l mennen yo al poze mouche Ariel kesyon! 

Si n byen gade kominote entènasyonal la, lidè politik yo, klas ekonomik la elatriye ka fè plis bagay pou chanje yo isit pase ekip ki sou pouvwa a. Menm sa n pa wè yo (Bondye, Ginen yo, Lwa yo, Zanj yo, elatriye) pran plis kout bouch repwòch pase Wa a! Non, mouche a bon!!! Bravo Ariel. Kòm nan koulwa pouvwa a yo di w di se jou w wè ki konte, eritaj ou pa regade w nou konprann sa k fè w ap aji konsa! Ou chanpyon nan san wont ak san konsyans granmoun kannay!

Stevens JEAN FRANÇOIS 

A lire aussi

• Solino has fallen
• Port-au-Prince classée troisième ville la plus dangereuse au Monde en 2024
• Haïti : Les violences sexuelles à l'encontre des enfants ont augmenté de 1000% en un an
• L’OEA approuve la transformation de la MMSS en une force de maintien de la paix des Nations Unies
• L’attaque armée visant les deux avions est un acte terroriste, signale Me Carlos Hercule
• Les Etats-Unis assument la nomination d'Alix Didier Fils-Aimé
• Nous avons le choix ultime d’aller vers la Cour de cassation et de chercher le soutien des forces armées, prévient Jean Robert Arguant

Thèmes associés

• Ariel Henry
• Haïti
• Ayiti