Ayiti pran nan konplo! Zòt rayi li pou endepandans 1804

Men nou tout kapab konstate ke Ayiti inosan de sa lap viv jounen jodi a. Se yon konplo byen makonnen ant fo zanmi entènasyonal yo ak Ayisyen "patripòch" yo.

Ayiti pa fè anyen ki mal, yo jus ap fè nou peye frekan endepandans nou te pran 1804. 

Depi aprè 1804, yo fè tout mannigèt pou divize nou e kreye kondisyon pou Ayiti tounen yon peyi doulè, yon peyi lanfè. Sitou yo pi byen konnen pase nou, richès ke tè Ayiti a kapab pwodui. Yo fè tout sa yo konnen pou vini vòlè, piye richès nou yo. Strateji yo se itilize fo nasyonalis yo pou satisfè ti enterè mesken yo.

Lavi pèp Ayisyen an vin pi mal chak jou, e yo mete nou nan kondisyon pou nou pati kite peyi a, sèl fason pou nou ta mennen yon vi miyò. Yo vòlè byen nou, yo vyole dwa nou, yo piye richès nou, yo touye nou pa pil e pa pakèt.

Konplo sa kòmanse depi aprè 1804 pou rive jis konnye a. E li pi rèd pase wanga. Lanmò pi pwòch pèp Ayisyen ke la vi miyò.

Sèl yon men kontre, nan kole zepòl yonn ak lòt san kòken, ki ap pèmèt Ayiti soti nan konplotay sa, anba men kriminèl sa yo. Li lè li tan pou nou demaske tout konplotè. Tout Ayisyen leve kanpe! Si nou pa mete tèt nou ansanm pou yon bon revolisyon, bagay yo ap vin pi mangonmen toujou

Nou tout paka mouri 

Nou tout paka kouri

Ayiti pap peri

Fòk Ayiti souri!

Ruben Isma

A lire aussi

• Papa Deslin vin pran yo!
• Lapli vini m a ba w bonbon!
• Se aksyon Konsèy Prezidansyèl la k ap montre si l vle fè ripti vre, pozisyon yon goup sitwayen nan Okap
• Yo koken, yo mètdam
• 12 janvye 2010, Bondye te sispann bon?
• Jounen entènasyonal dwa moun: Tout moun se moun
• Fondasyon Zanmi Timoun p ap bese bra l

Thèmes associés

• Ayiti
• Endepandans
• Konplo